申領長者綜援嘅合資格年齡由六十歲提高至六十五歲嘅政策今個月生效，多名立法會議員尋日喺一個委員會上，要求當局向六十至六十四歲人士補發被扣減的津貼。勞工及福利局局長羅致光話，今年底會完成檢討津貼，預計二○／二一年可實施，但唔會向相關人士補發，因為政府冇取走任何人嘅福利，亦唔係「面子」問題喎！長者綜援風波快將過去，點知羅致光又再講啲涼薄說話激嬲人，唔通IQ高得滯，思維都令人費解？
