中環出更：民主阿婆不甘寂寞 倡英插手港事務

有報道指，民主阿婆連同公民黨及四十多個公民組織，共同提出建議，要求英國議會任命委員會，監察任何侵犯香港自由及自主嘅情況。而民主阿婆提交嘅書面建議中，就提及港府取締香港民族黨一事，以及拒絕續簽曾主持香港民族黨召集人陳浩天演講嘅前香港外國記者會（FCC）第一副主席、英國《金融時報》亞洲新聞編輯馬凱（Victor Mallet），認為上述例子已經反映出港府處事時已經唔理國際睇法。

促設獨立委員會監察

另外，民主阿婆又批評英國亦未有如《中英聯合聲明》所言，保障到香港嘅自由同權利，所以建議設有一個獨立於現時英國國會跨黨派中國事務小組嘅委員會，畀該委員會負責監察香港事務。

其實民主阿婆過往已經頻繁去海外唱衰香港，亦不時對香港時事及政治指指點點，但來來去去都係三幅被。其實佢喺香港嘅政治能量已經耗盡，不如慳番啖氣暖肚喇！

卓妮