由於要進行中環及灣仔繞道工程，皇后碼頭最終喺○七年被清拆，之後社會上不斷有聲音要求原址重置，但發展局局長黃偉綸近日就話呢個建議唔可行，指當局喺一六年提出三個重置方案，社會意見紛紜，亦認為動用二億港元公帑未必值得，仲講到目前無重置皇后碼頭嘅時間表添！黃偉綸擺明係封咗後路，其實二億元相對於政府啲大白象工程簡直係碎銀，政府有幾重視民意睇得到喇！
