我有正能量：愛女奔波照顧 與母關係更穩固
玉卿成功克服舌癌，除有賴自身的堅持外，不得不提家人一直守護在旁和院舍的支援。其中，女兒陳女士在治療期間不辭勞苦，每天為玉卿的病情四處奔波，惟她不但未有感到辛苦，反而大讚媽媽能人所不能，更謂：「如果我九十歲好似佢一樣就好喇。」
「一開始見到媽媽口唔郁得，口水流出嚟醃到皮膚都爛晒，做女嘅梗係好心痛，不過始終都要面對，好彩遇到好醫生、好姑娘。」陳女士表示，病人家屬最重要的是積極面對，有不明白的地方要不斷向專業人士詢問意見，遇到挫折時亦要保持正面思維，「要記住唔會一次就成功，只要唔畀負面情緒打敗，最終無嘢係搞唔掂。」
「媽媽好犀利 值得學習」
採訪當日兩母女不時「攬頭攬頸」，感情十分要好，看得出惡疾未有將家人間的羈絆切斷，反令彼此關係更穩固，「經過呢個病我更加覺得媽媽好犀利，一個九十歲嘅老人家可以咁正面，咁大年紀重新學行、學講嘢同學食嘢，從來無埋怨過，所以真係唔好嫌棄老人家，佢哋係一本活字典，好多地方值得學習。」