最近流感高峰期，醫管局每日公布嘅醫院病床佔用率都持續爆滿，但近日就有回落迹象。不過衞生服務界立法會議員李國麟踢爆，醫管局所公布嘅數字係以半夜數據去計算，建議應該用日間數據，同埋公布埋加床數字、入住病人數量等等，先可以反映到實際情況。醫管局承認病床佔用率數字難以反映醫護人員實際工作量。睇嚟醫管局主席梁智仁要諗吓點補鑊，挽回醫護同埋市民嘅信心喇！
