中環出更：何君堯暗批許智峯 搶手機係扮英雄

又話民主派有人扮受害者

何君堯提到，過去兩年半，行政立法機關都致力於政策及立法工作，以確保香港穩定，但民主派立法會議員不合作，甚至阻礙多項建議，民主派喺會議廳內抗議，好似有「劇本」咁拉布嘅手法以阻撓議程，又提到其中一人更大膽盜竊，搶去一位女政府人員嘅手機，形容此人扮英雄。翻查資料，許智峯去年喺立法會大樓內涉嫌奪去保安局女行政主任手中嘅手機。

何又話，民主派嘅行動隨後引起立法會審視議事規則，但其時又有人扮受害者，聲稱就議案發言嘅言論自由受到威脅。何君堯認為，有關修訂僅僅係為咗精簡立法會程序，以防止再遭無理拖延。

卓妮