沙中線工程醜聞爆不停，繼紅磡站月台出現鋼筋接駁問題後，運輸及房屋局局長陳帆日前仲公布有擅改工程同紀錄失蹤，有立法會議員即刻話要成立獨立調查委員會徹查，而政府亦急急補鑊，喺現有由法官做主席嘅獨立調查委員會擴大調查範圍。話時話，依家紅磡站嘅安全成疑，好明顯政府係疏於監察先搞成咁，即係話陳帆唔單止係無牙老虎，根本就係紙老虎，啲承建商直情當政府無到呀！
