政情：八網難逃：梁志祥寫揮春畀喵星人？

特登寫畀貓奴助理

祥哥解釋話唔係寫畀自己嘅，而係佢其中一個助理係貓奴，屋企養咗好多隻貓，見祥哥寫揮春就特登叫咗佢幫手寫一張「喵肥屋潤」，祥哥見個助理平時咁幫得手，當然唔會托手㬹啦！

其實，唔止助理會叫佢幫手寫揮春，好多街坊、相熟朋友都會搵佢寫，但寫啲咁特別嘅揮春就比較少，多數都係新年常用嘅揮春，例如如果係商界朋友就寫貨如輪轉、生意興隆等，街坊就多數寫身體健康，不過佢話今年比較少時間寫，惟有喺立法會盡量趕工寫多啲咁話。