小剛和小柔在同一間公司工作，他們不但是好同事，亦是一對好朋友。最近，小剛看見小柔時常無精神，便去問問她。
小剛問：「小柔，你見點呀？最近見你好似成日都唔舒服。」小柔答：「係呀，都唔知點解好似成日都腰痠背痛，瞓得唔好囉。」小剛追問：「你平時係唔係因為返工忙而缺乏運動呢？」小柔答：「係呀，但缺乏運動會影響健康狀況o架咩？」
小剛：「你要記住，好多嘅研究都話缺乏運動嘅人只要經常進行適量運動，就可以改善健康狀況。」小柔：「但平時返工咁忙，未必有時間做呀。」
小剛：「其實返工都可以做適量運動，保持身體健康o架，例如：與鄰近機構或部門洽談事務時，可步行前往，少用電話，增加體能活動機會；情況許可就少啲用扶手電梯同升降機，多行樓梯，增加運動機會；若長時間重複某些動作或維持同一姿勢太耐，應定時郁動關節，舒展肌肉，幫助紓緩肌肉嘅緊張同疲勞；搭車返工放工，不妨提早一兩個站落車，每日多步行十五分鐘等。」
小柔：「聽落又真係好多運動機會喎。」小剛：「係o架！當然，平時放咗工，都可以約埋同事朋友做運動，幫助消除一天嘅疲累。放假又可以搵埋屋企人行山、緩步跑、參加水上活動等，舒展身心。」
小剛再問：「小柔，嚟緊放假有咩做呢？」小柔：「無呀，做咩事呢？」小剛：「不如抽少少時間，我哋一齊去行山吖！」小柔：「都好呀！」
職業安全健康局
www.oshc.org.hk