政情：佔中三子又赴台唱衰香港

論壇以「雨傘運動與東亞民主展望」為題，陳健民自言香港回歸至今並無落實民主普選，根本無實踐到一國兩制，所以用一國兩統，向台灣提出統一根本係笑話。

否認控罪 佔中案四月裁決

戴耀廷等人被控以煽惑公眾妨擾等罪名，案件將於今年四月有裁決，三子曾經講過會承擔責任，但最終否認控罪。而三人尋日都話唔擔心有機會入獄，而且內心好安定。不過，聲稱願意承擔法律責任嘅陳健民，就反駁指有關指控只為破壞同打壓公民權利，至於戴耀廷又再講唔會接受罪名，但如果坐監能夠燃起港人希望都值得喎。