去年轉電腦編更 工時「編到盡」

一更接一更 乏人性化考慮

消息指，國泰自去年起引入機組人員電腦編更系統，以取代人手編更，並由機師開始試行，預計今年三月會擴展至空中服務員編更亦使用該系統。消息指，電腦編更欠缺人性化考慮，「佢唔會少過法定休息時間，但會編到密密麻麻，一更接一更，好多（人）做到好攰，好似返連續四日工，每日只係得十二個鐘休息，或者一日飛兩程短途，成日連續返十一個鐘」。

消息人士質疑，新編更制度下，國泰航空雖可節省外站留宿等較高成本的開支，但亦令員工踩到盡：「以前香港飛台北再飛日本，會喺日本度留宿再飛轉頭，但依家可能會先喺台北留宿再直踩，變咗連續返好長時間」。不過，有意見亦指，現時不少航空公司已轉用電腦編制，且更多編更組合可節省人手，認為若員工每個月整體工時不變，不會出現過度疲勞，「呢幾日編密咗，之後幾日會放番」。

國泰空中服務員工會主席胡綺薇指，預計空中服務員三月會改用電腦系統編更，早前亦有同事擔心被編排至「密密飛」再「密密放」，但公司已承諾編更模式會與現時類似，會聽取前線意見。