政情：收料站：驚廖長江頭暈身㷫 張國鈞隨時頂上

建制與泛民展法律界大戰

建制派嘅做法同一地兩檢法案委員會類似，都係搵咗兩個行政會議成員做正副主席，但今次更多一重保障，仲要兩個都來自法律界。據知，本身係大律師嘅建制派班長廖長江早已表明願意做主席，而近日建制派亦已決定本身係律師嘅民建聯張國鈞做副主席。有指建制希望包攬正副主席，係希望打「穩陣波」，皆因相關法例極具爭議，要小心駛得萬年船，擔心如果廖長江突然有乜嘢頭暈身（慶），泛民做副主席嘅話就會麻煩啲。

至於泛民一直傾向有法律界背景嘅人爭正副主席，本身係大律師嘅公民黨郭榮鏗近日表明會競逐主席或副主席，要求政府清晰交代條例內容。既然雙方都明言有意爭委員會嘅正副主席，相信無可避免兩邊都會冧友落委員會o架啦！