政情：公民講場：黃遠輝變周永新 土供組恐嘥心機

政府早前搶喺土地供應專責小組諮詢報告出爐前話要進行填海，當時已有人質疑小組主席黃遠輝變咗港大榮休教授周永新嘅翻版，因為當年周永新受扶貧委員會所託做咗退休保障未來發展研究報告，但政府並冇接納有關建議，而尋日政府高層回應傳媒提問黃遠輝會唔會成為「另一個周永新」時，就話每個課題經討論後，負責任嘅政府都要作全盤考慮，如果照單全收，未必係負責任行為。毫無懸念，黃遠輝變咗周永新嘅翻版，做啲嘢都係白費心機。