綠色先鋒：改裝舊單車作回收 「Cargo Bike」成生招牌
要數「流動架生房」的生招牌，必定是由昌哥一手改裝的「Cargo Bike」，他不時踏着單車於屯門區內游走，將收集到的廢棄零件檢回去改裝舊單車，後來更受到外國同類單車啟發，成功將兩架舊單車「切頭切尾」，合併成「流動架生單車」，車頭的特大木籃更成為其矚目標記。
搞導賞團 分享志趣
有了這架「流動架生單車」，昌哥出動得更頻密，天后廟、九巴車廠和回收場都遍布他的足迹，透過實地了解環保議題，發掘和收集可用之材，「依家我哋有時會搞導賞團，等更多有同樣志趣嘅人了解吓我哋平時喺邊執垃圾，過程入面佢哋都會知多啲呢一區嘅變遷。」
昌哥指，未來或會駕着「流動架生單車」於區內一角停下，然後架起幾張枱櫈作流動教室，「我希望不定期咁做呢件事，可以吸引到行經嘅途人，等佢哋行埋嚟了解咩叫升級再造，咁我就心滿意足啦！」