香港公開大學尋日頒授榮譽博士學位予四位傑出人士，其中包括律師出身嘅香港賽馬會主席周永健。周永健笑指自己攞過院士榮銜，但係榮譽博士就係第一次。佢做過唔少公職，包括香港律師會會長、香港地產代理監管局副主席、法律援助服務局成員等，熱心服務社會係佢獲得殊榮嘅原因之一，不過周謙稱唔覺自己喺事業上有咩過人成就，大部分嘅所謂成就都係緣於唔識「拒絕」人喎！真係客氣啦！
