公務員學院選址觀塘展亮技能發展中心，已被外界炮轟強搶地，有消息仲話政府擬於九龍塘一間舊校舍重置「加強版」中心，但原來呢個選址唔單止不便殘疾人士，兼且校舍已落成五十五年，丟空近十年，比觀塘校舍更舊。咁睇，話就話呢個係「加強版」，隨時變咗「降呢版」，勞工及福利局局長羅致光竟然剩係顧住班公務員，懶理弱勢社群嘅需要，勢必令民憤爆煲，到時佢都好難收科嘞！
