近年反對派議員喺立法會議事堂「郁手郁腳」，不時同保安員爆發肢體衝突及受傷。有份喺今年六月審議高鐵「一地兩檢」時叫囂釀成混亂，近日被警方預約拘捕嘅民主黨尹兆堅尋日仲死撐話自己當時係「被動手」，被議事規則委員會主席謝偉俊（Paul）反駁，指《立法會（權力及特權）條例》「只係保障言論自由，唔包括肢體上郁手嘅自由」，仲講明唔想議會「街市化」。目前建制派仍手握分組點票話事權，睇嚟Paul都會趁機諗吓點樣增加罰則去令反對派議員聽話啲喇。
