為咗鼓勵市民買外賣攞少啲一次性嘅即棄餐具，政府同一啲食肆搞咗個計劃，擲三十萬元送出可循環再用嘅餐具，有團體尋日更話一次性飲品包裝，包括膠樽同紙包盒回收率好低，要求政府禁用膠樽同紙包飲品盒，甚至應為膠樽推行現金回贈計劃等。話時話，依家有排都未做走塑，仲話要走紙包盒，又要花公帑，唔知環境局局長黃錦星點接招？以佢無論之前搞膠袋徵費同最近推垃圾徵費都搞到一鑊粥，要做到走膠樽走紙盒都凍過水喇！
