中環出更：聆訊港台爛帳帳委會繼續拉鋸

審計報告早前點名批評香港電台電視營運表現不濟，製作成本高昂，收視率卻奇低，係浪費公帑。立法會政府帳目委員會尋日召開閉門會議，商討點樣跟進最新一份審計報告，但就仍然未決定係咪會就港台問題召開公開聆訊。據悉，帳委會將就港台嘅節目製作成本、收視同資源運用等問題去信負責嘅商務及經濟發展局，等當局回覆後先至再決定係咪要進一步跟進同召開聆訊。

帳委會喺新一份審計報告發表後表示，會就審計報告中有關食物安全中心邊境檢查鬆章，同埋就處理投訴歎慢板問題分別召開聆訊，至於其餘嘅章節係咪需要召開聆訊，就於尋日嘅閉門會議商討。有指建制派同泛民就對到底係狙擊港台定係狙擊被指採購有問題嘅香港警務處意見不一。