依家全港有六萬六千部升降機，當中八成待改善，儼如全城「跳樓機」，令居民心驚膽戰。施政報告早前宣布推出資助計劃，但只係改善五千部升降機安全設備，已經畀人鬧爆資助咁少，點知機電工程署署長薛永恒尋日仲話擬分六年去做，每年目標為六百部，逐年增加至九百部。老實講，之前已經發生多宗升降機意外，造成人命傷亡，薛永恒唔快啲加人手去做，反而歎慢板，係咪想見到更多升降機意外發生呢？
