政情:公民講場:違例招牌懶檢控 屋署無視都市炸彈

街道招牌滿布喺遊客眼中係獨特風景,但對香港居民就係潛在危機!審計署尋日就炮轟屋宇署向違規招牌發清拆令後就唔理,以二○一六年為例,有四成三嘅清拆令過咗期一年,部門都未進行檢控工作。香港人口密集,一個招牌跌落嚟受傷人數唔講得笑,審計報告都話違例招牌係香港長期嘅安全風險,屋宇署署長張天祥竟然有法不執,擺明係縱容呢啲都市炸彈周圍爆啫!佢係公帑出糧,但就置市民嘅人身安全於不顧,簡直離晒譜。

第一手消息請下載on.cc東網iPhone/iPad/Android/Windows Phone Apps