高鐵開通後，乘客嘅數量一直唔達標，跟住又爆出港鐵向香港全體員工及家屬免費送出兩套高鐵來回深圳北或福田車站嘅二等座車票，所需車費最高涉款近六百萬港元。立法會議員譚文豪質疑港鐵用錢充撐客量，同時亦關注「拆帳」問題，究竟呢張單邊個埋先？高鐵超支又係市民填氹，依家送飛谷數又要市民埋單，簡直係搵納稅人笨，班議員肯定咬住運輸及房屋局局長陳帆唔放，呢次佢一身蟻嘞！
