政情：八網難逃：騸雞擦大閘蟹笑唔停口

騸雞日前喺社交網站上載咗張相，見佢揸住隻大閘蟹，笑到不知幾開心。原來除咗蟹味好之外，開心有兩份，佢留言話：「大仔回港一起吃番餐大閘蟹，特別好味！」難怪佢、太太同大仔都笑得咁開心。

大仔一齊食 餅印咁款

張相喺社交網站上載之後，唔少網友都留言，話點解唔嗌埋佢哋一齊嚟擦蟹？亦有網友話睇相都覺得大閘蟹好美味，流晒口水，有網友仲話大仔同爸爸騸雞餅印咁，甚至有網友話似兩兄弟添！

網友問貨源喺邊度嚟

可能因為唔少本港蟹商仍未攞到內地輸港大閘蟹嘅批文，所以貨源有限，兼且被揭發周街有假大閘蟹賣，所有網民都好關心騸雞食嘅大閘蟹貨源喺邊度嚟？但騸雞冇透露喎。不過，未見佢喺社交網站貼文再講大閘蟹，相信冇中招嘅。