取消強積金對沖終極方案爭議不斷，勞工及福利局局長羅致光同商界就遣散費同埋長期服務金問題，已經先後拗過幾次，香港各界商會聯席會議秘書長沈運龍早前仲發起聯署，證明政府言論有誤導。羅致光就一連兩星期都喺網誌內計數解畫，尋日又再解釋未來廿五年額外勞動成本嘅計法，仲鬧爆商界概念錯，話「文字題」係要先理解先可以計，唔可以隨意計加減乘除。不過話時話，想計算未來嘅大數，需要好多假設，呢啲嘢冇人計得精準，好心兩人唔好再成個小學雞咁互鬧喇！
