政情：公民講場：政府填海早有定案 黃遠輝做扯線公仔

土地供應專責小組一直被外界炮轟係假諮詢，地政總署前署長劉勵超尋日仲踢爆政府早就知道不獲市民信任，想搵個非官方嘅專業人士去發聲，以免「政府一出聲就被扑低」，再加上諮詢時填海係一千公頃，依家政府就加大到一千七百公頃，土地小組將來份報告根本難以說服市民。明白晒！原來包括主席黃遠輝在內嘅土地小組唔單止係做政府嘅爛頭蟀，更加係扯線公仔，政府鍾意搶閘公布明日大嶼填海計劃，總之想點舞就點舞，連小組自己摑自己都得。