綠色先鋒：關懷扶貧 助拾荒者轉型
「十噸膠樽回收大行動」除了是個環保活動，原來亦是一個關懷扶貧項目。Eric稱，由於本港回收政策愈收愈緊，回收店數目逐年減少，拾荒者往往要推着大量紙皮、鋁罐和膠樽，「山長水遠」才找到一間願意接收的回收店，可以說是個被社會遺忘的群體。
室內清理膠樽 免日曬雨淋
「佢哋係回收業嘅前線，有咩環保計劃好應該考慮埋佢哋，預埋佢哋。」Eric解釋指，拾荒者以老人為主，其實不太適合在外日曬雨淋，故在他的計劃下安排拾荒者轉型，在室內為收集得來的膠樽負責清理工作。
Eric指，一個可行而又持續的回收習慣，應由市民大眾將可回收的垃圾放到特定的位置，而非由拾荒者從街上逐件收集，「一來環保係每個人都要參與嘅事，二來可以將更多人力集中喺後勤工作，從前嘅拾荒者可以有尊嚴咁賺取佢哋應得嘅人工，係雙贏嘅做法。」