政情：許漢忠睇好本港飛機租賃服務
機場管理局前行政總裁許漢忠退休多年，但仍然心繫香港航空業，依家作為香港飛機租賃及航空融資協會會長嘅佢，仲睇好本港嘅飛機租賃生意添！
許日前出席活動時講起飛機租賃，佢話買飛機動輒億億聲上落，航空公司要集資擴充機隊，唔止可以問銀行借錢，亦可選擇另一途徑飛機租賃。隨着航空業發展，飛機租賃嘅生意規模亦隨之擴大。愛爾蘭喺呢方面就早着先機，於上世紀七十年代就提供稅務優惠，形成今日多數飛機租賃公司都選擇以愛爾蘭為基地，後來新加坡亦仿照愛爾蘭做法，吸引飛機租賃公司落戶。而喺香港，去年立法會都通過對飛機租賃予以稅務優惠，令行業於香港發展更具競爭力。
盼帶來更多商機同就業機會
許又話，飛機租賃係航空同金融嘅結合，本港作為航空樞紐兼金融中心，加上亞太區市場發展蓬勃，得到稅務優化嘅飛機租賃行業喺本港應該大有可為，會帶嚟更多商機同就業機會咁話。