法庭：商人涉姦案：女律師庭上激動大哭 提早休庭
【本報訊】已婚男商人涉嫌襲擊及性侵犯其年輕廿五載的律師女友一案，女事主昨於高院繼續接受辯方盤問。辯方直指根本沒有發生過她遭襲擊及被迫口交的事，事主即時情緒激動，大聲高呼：「我做乜要屈佢」；她又指公開事件對她有很大影響，更聲稱：「全世界都知道我係邊個！」其後她因激動大哭至沒法繼續作供，法官將案提早休庭，今日續審。
「我做乜要屈佢」
五十八歲被告陳偉強被控於一六年四月卅日襲擊及非禮年約卅三歲女事主Ｘ，另被控於同年六月廿九日強姦Ｘ。辯方昨日先要Ｘ確認，被指介入她與被告之間的第三者蕭先生，事發時上她家「傾公事」的書面證供是否準確，Ｘ隨即激動表示：「你做乜要挑剔我！」她又指錄口供時思緒混亂及很疲倦，供詞內未必每個字均準確。辯方遂問Ｘ有否看過蕭的證供，她表示：「我都睇唔到佢份口供！」
辯方指出，案發當日根本無發生過被告襲擊Ｘ的事，Ｘ即時大聲高呼：「梗係唔係啦！」辯方再指之後亦無發生被告用武力逼Ｘ口交的事，Ｘ亦激動大哭稱：「佢點可以咁講嘢！我做乜要屈佢呀！同全世界講晒出嚟，你覺得好馨香呀！你覺得同全世界講對我無影響呀！」Ｘ續指：「你估叫我『Ｘ』我就真係『Ｘ』呀，全世界都知我係邊個……唔值得我要用下半世時間面對全世界……」辯方試圖平復Ｘ的心情，指Ｘ亦身為律師，應知辯方有責任說出辯方的案情，惟Ｘ變得更激動並稱：「律師只係職業嚟……都有軟弱嘅時候！」
案件編號：HCCC 30/2018