沉迷「食雞」警員邊巡邏邊打機
【本報訊】流行興「食雞」，工作時難道要「食住雞」才有動力？有網民發現一名警員在執勤期間，在街頭疑公然大玩一款「食雞」手機遊戲，質疑有違警察守則。不少網民留言笑稱，阿Sir「食雞」旨在練槍法及模擬狙擊，「咁先可以時刻警惕，除暴安良！」
警方：倘證違規會作適當跟進
照片昨日在Facebook多個群組中流傳，照片中穿上制服的警員在行人過路處在等過馬路時，疑以手機打機。從手機屏幕所見，以簡體字顯示「賽季通行證」，屬一款近年大熱的手機遊戲版面，發文者笑指：「阿Sir打到咩Level呀？」並質疑該警員穿上制服，應是正在執勤，認為其舉動十分有問題。
不少網民隨即留言，指照片中隱約顯示其警員編號，直言「佢今次大鑊了，準備照肺！」，亦有人有另類見解，「阿Sir試緊模擬狙擊」。不過，也有人批評發文者小事化大：「雖然我對警察無乜好感，不過唔使嘢嘢咁盡呀嘛？佢哋都係人嚟嘅！」也有人指警察執勤亦有休息時間，「畀你咁影一影好慘！」擔心事件可能令對方「冇咗份工」。
警方發言人表示，警務人員當值期間使用私人通訊器材，須遵守相關規定。如證實違規，會按既定程序作適當跟進。