政情：施政報告大開庫房 政總漏晒水

行政署：做緊工程未加防漏膠

話說尋日公布施政報告後，下午約一時半，中西區一帶落緊大雨，政府總部東翼天橋嘅扶手電梯旁，天花板都漏水漏到滴滴嗒嗒咁，成幅牆都濕晒，有職員特別擋住嗰個位置，等行人唔好行過去，但就冇擺放水桶接水。唔通寓意施政報告啲水只會白白流走？

行政署發言人回覆查詢時話，建築署尋日喺政總東翼簷篷進行防水工程，而檢查人打開簷篷頂部鋁板後遇上大雨，因而出現簷篷漏水嘅情況，所以未能完成鋁板邊加膠防漏，若果今日天氣好轉，有關工程就會繼續。