近日香港出現全球首例老鼠傳人戊型肝炎個案，認真「威水」。面對咁嚴重嘅鼠患問題，食物及衞生局局長陳肇始尋日竟然引述街坊話，颱風山竹將老鼠竇吹咗出嚟喎。原來山竹威力咁強，連鼠患都關佢事添！唔通冇颱風吹襲，老鼠就唔存在？睇嚟政府日後喺打風前，唔單止要呼籲市民要做好防風，連鼠輩都要溫馨提示吓，最好搵隻貓看住個老鼠洞，唔好畀老鼠出嚟添喇！
