前立法會議員單仲偕自從離開立法會後，一直享受退休生活，不時四圍旅行。近日佢就去咗美國旅行，更到當地嘅國家公園遊覽，駕車穿過倒下嘅紅杉樹，並喺樹下打卡。看佢喺Facebook上發布嘅相片，同早前颱風「山竹」襲港時，網上流傳多張喺颱風過後，市民喺滿布樹木嘅路上穿梭返工返學嘅相片，有異曲同工之妙。不過外國把塌樹變成景點和打卡勝地，而香港人亦熱愛打卡文化，唔知政府會否花多啲心思，將風後冧樹災區整理一下，變成打卡熱點呢？
（互聯網）
