今日就係違法佔領行動（佔中）發生四周年，「佔中三子」之一嘅港大法律系副教授戴耀廷，當初寫咗一篇有關公民抗命嘅文章，搞到滿城風雨。時隔幾年，尋日佢接受傳媒訪問時，話如果知道發起佔中後會發生咁多事，可能會花啲時間諗吓寫唔寫嗰篇文，但強調唔會後悔喎。佔中重創香港元氣，至今仍未完全恢復，唔少年輕人因而被捕入獄，戴耀廷去飲唔肯找數，喺度風流快活緊，竟然仲係死不悔改，唔通佢嫌香港仲未畀佢拖累得夠慘？
