政情：冇得游渡海泳 梁敬國與山竹為敵
本身係中文大學舊生嘅商務及經濟發展局前副局長梁敬國（Godfrey），不時重返母校練水，好似本周二（25日），佢就專程返去游泳，仲大讚天氣好，去到池邊雞咁腳撲落水，連太陽油都費事搽。不過，Godfrey前日於社交網站貼文，話近日練完水，之後就收到通知冇得游，一方面話「情何以堪」，另一方面又揚言以後同山竹為敵要食晒佢，到底發生咩事咁勞氣呢？
比賽因安全問題取消
原來Godfrey較早時間報名參加本來喺後日（30日）舉行嘅吐露港渡海泳，之不過主辦單位前日公布因為超強颱風山竹襲港，擔心賽道唔安全決定取消比賽，搞到最近努力練水嘅Godfrey有啲無奈，正所謂「口講無憑」，唔知Godfrey幾時兌現承諾，找數食晒啲山竹呢？