職場健康：精神健康急救 暫紓當事人情緒
阿古和阿言是社區中心活動助理，阿古正在執拾自己辦公桌準備下班︰「阿言，今晚我要上急救堂，走先，再見。」
正當阿古步出辦公室，阿言即叫停並道︰「你嘅急救繃帶包仲喺你張枱，你唔記得帶去上課呢！」阿古笑着道︰「你誤會了，今晚嘅急救堂唔需要帶急救繃帶包，因為我上嘅係職安局舉辦嘅精神健康急救基礎課程。」
阿言︰「乜嘢係精神健康急救？ 」
澳洲引入 似生理急救
阿古︰「精神健康急救概念其實從澳洲引入，聽名都可以知道同生理急救好似，即係若當事人出現精神或情緒困擾時，喺未獲得專業人士介入前，作為他們身邊人，可以初步介入同協助當事人適當紓緩和疏導情緒，希望藉着迅速支援減低情況惡化，促進復原及康復。」
阿古續稱：「呢個課程會教授如何評估當中因精神或情緒會出現嘅危機，再而係點協助處理危機。另外，課程亦有提供指引去協助處理一啲因情緒而起嘅危機。就喺上一堂，導師教咗我哋點樣利用指引，喺可使用言語階段作溝通時，利用緩和技巧去安撫當事人。其實作為社工，呢個課程真係好切合我哋工作需要。」阿古然後看一看手錶就急忙道︰「唔同你講了，現在要走了，唔係就遲到喇，再見。」
職業安全健康局
www.oshc.org.hk