土地問題一直係香港政府最大難題之一，財政司司長陳茂波（波叔）尋日大讚依家香港建築技術先進，仲話如果社會匯聚到主流意見，覺得填海係正確嘅土地供應選項，政府就可以放膽去做，到時立法會唔夠膽唔批錢去做。突然提填海，睇嚟波叔都係想暗示填海係主流意見嘞，不過，講真嗰句，依家連建制派都有人反對填海，如果匯聚唔到主流意見，係咪就唔使做呢？抑或佢係想擺立法會上枱，通過唔到就有得賴呢？
