警入村拉人 毒販聞風先遁 街坊質疑執法部門充保護傘
【本報訊】住在深水埗區逾廿年的老街坊陳先生，見證社區沉淪，淪落為毒販的犯罪天堂，他直指區內罪惡叢生路人皆見，質疑警方是否視若無睹，要不「拉唔到人」。他指出：「你問我哋有冇報警？有（口架），但係佢哋會有啲方法通風報信，因為（警方）每次嚟都捉唔到人。」又稱「你哋求其行一轉都見到晒喇，有咩理由警察行咁多次都見唔到？」故懷疑不法分子受犯罪或販毒集團操控，與警察「有啲關係，所以警察嚟到佢哋就走」，不排除毒販背後有保護傘撐腰，令他們往往能聞風先遁。
對於早年的深水埗區，陳不諱言尚算安寧，但自從通州街橋底搭建愈來愈多木板屋、南亞裔人士數目急升後，區內治安便每況愈下，近年不法分子更愈趨猖獗，不分晝夜當街當巷販毒「啪針」，部分癮君子更潛匿舊廈唐樓，躲在樓梯位吸毒兼大小二便，更離譜的甚至試圖闖入民居盜竊，偷錢買毒品。
陳憶述指，有次和一個幾歲大的「細路」落樓，在梯間碰見有癮君子蹲在地上「開餐」，「個小朋友見到就問我，點解有個叔叔瞓喺度吸緊梘粉？你叫我點答？佢（癮君子）仲要同我哋講：『等多陣，就得喇』，你叫我點答？」他又稱：「街坊日日提心吊膽，個個都忍無可忍，但係我哋又唔敢講出嚟，驚佢哋對我哋不利！」
深水埗屢現有人濫藥猝斃
深水埗區經常發生懷疑癮君子攤臥行人路甚至猝死。九月四日一名中年漢被發現伏屍在南昌街與醫局街交界休憩處一張長櫈，警方不排除死者有不良嗜好，懷疑因此猝斃。七月二十日，一名男子被發現身體發黑，仰臥海壇街一百八十六號後巷樓梯，警方相信他死去一段時間，調查後相信死者為癮君子，濫藥後猝死。