香港接連發生虐兒事件，令社會高度關注。社會福利署去年接獲嘅虐兒新呈報個案，更創咗四年新高，但政府今年先至成立由政務司司長張建宗任主席嘅兒童事務委員會，真係慢幾拍。唔怪得社會上有聲音鬧爆政府，話香港早於二○○六年已開始探討就導致兒童死亡，以及未能採取適當行動防止兒童死亡嘅行為立法，但十二年來都冇進展。張建宗任司長前做咗勞工及福利局局長成十年，十幾年嚟保護兒童法例都冇進步，難為佢仲有得升官，認真抵打！
