Party Life：樂善慶生：M Club周年晚宴

由城中熱愛超級跑車人士組成嘅「M超跑會」，話咁快已成立三周年。為因應會務多元化發展，特意改名為「M Club」，以廣納追求唔同生活品味嘅志同道合人士。該會早前舉行文化交流慈善音樂晚宴，一方面慶祝成立三周年，另一方面為香港流浪狗之家籌募經費，實行以慈善慶牛一，特別有意義。

意大利駐香港及澳門總領事Clemente Contestabile（左一）及意大利駐廣州總領事白露茜（右二）畀面出席晚宴，以感謝M Club創辦人馬仁威（右一）及英國藝術家黃迪茵（左二）夫婦對意式生活品味嘅推廣。（受訪者提供）	東華三院副主席譚鎮國（右起）、保良局前總理薛嘉麟、M Club榮譽會董李君豪及榮譽會員吳均偉，着得官仔骨骨出席晚宴。	香港海鮮業聯合總會主席李彩華（右）同好友黃德成（左）表演吹奏色士風，有型有款。
已故慈善家陳樹渠兒子陳燿陽（中）及太太、前港姐亞軍李明慧（左），同知名法國洋酒品牌亞太區主席Vincent Gere（右）都係有品味之人，自然好啱傾。