政情：公民講場：韋志成加碼氹人搬 逾億銀彈擲觀塘

觀塘市中心嘅重建計劃，搞咗成廿年都未完全搞掂，市建局行政總裁韋志成尋日又出新招，喺觀塘區議會特別會議上提出咗個逾一億元嘅銀彈方案，向仲未搬嘅住戶同商戶提供逾十萬元額外現金津貼，仲話如果商戶肯搬遷，遲啲仲可以用特惠租金去租新舖，為期三年。市建局忽然加碼賠償，一早搬走咗嗰班就真係蝕晒水，咁搞法以後會唔會令到啲住戶更加死守唔肯搬，令收購重建更困難呢？不過可以肯定嘅係，羊毛出自羊身上，將來樓價成本一定拉高。