政情：熱廚房轉戰舞台劇 蕭偉強變窮村民
勞工及福利局前局長蕭偉強自從離開官場熱廚房後，已經甚少公開露面，但尋日見番佢時真係嚇一跳，竟然一身窮村民打扮示人，同上月加盟馬會嘅政制及內地事務局前局長譚志源西裝骨骨真係天淵之別。其實蕭偉強參演咗一齣舞台劇，尋日正式上演，呢一身打扮只係劇中嘅潦倒造型。
譚志源靠癦認人
今次蕭偉強做到入型入格，掌握到村長嘅神髓，就連譚志源都要成十秒時間先認到佢，仲要係靠佢面上粒癦先認到添！蕭曾經喺香港話劇團工作，加入政府後又做過康復專員，所以今次粉墨登場滿足晒佢嘅興趣，又可以推動共融。至於譚志源中學時都加入過話劇學會，但當時只係跟住師兄同老師一齊演出。