政情：今日你上鏡：陳健波去英國叉電追蜂

距離立法會復會仲有一個月時間，唔少議員都趕喺暑假前飛多幾轉叉電。財務委員會主席陳健波（波哥）就去咗英國嘅曼徹斯特，不過佢唔係去睇波，而係追「蜂」，欣賞當地嘅蜜蜂雕塑展覽。波哥拍咗段片放上社交平台，話自己去咗一個有關蜜蜂嘅藝術裝置展覽，隻隻蜜蜂有成個人咁高。其中佢最鍾意一隻滿身係眼同面孔嘅蜜蜂，原因係佢覺得構圖風格好抽象，似佢鍾意嘅畫家畢加索嘅畫風喎。