政情：公民講場：公私營合作似盲婚啞嫁 朱凱廸教人「分妻」

土地供應不足，公私營合作發展農地成為討論選項。不過，立法會議員朱凱廸就話市民根本唔知道發展商手持嘅一千公頃農地所在位置，形容公私營合作好似「盲婚啞嫁」咁，仲叫政府應該同發展商「離婚」，唔好由啲地主去主導發展喎。現時土地不足導致房屋供應少係不爭嘅事實，各種增加土地供應嘅方法都應該考慮，朱凱廸與其亂咁「教人分妻」一拍兩散，不如針對公私營合作提出多啲建議，一段「婚姻」先有得發展。