自從選管會喺上月底公布區議會選舉選區劃界嘅臨時建議之後，外界嘅反對聲音不絕於耳，諮詢期喺前日結束，總共收到五千七百份意見書，相比上次劃界收到嘅份數暴升三倍，擺明係怨氣沖天喇！老實講，好多區議員鬧爆選管會主席馮驊亂劃界，將部分選區劃到支離破碎，破壞社區完整性，根本係外行人管內行人，依家收到咁多意見書，擺明係插爆馮驊o架，要佢推倒重來喇，睇怕佢唔可以再攞住人口數目嚟做擋箭牌嘞！
