元朗橫洲最為人知嘅係公屋發展風波，其實橫洲幾條村盛產嘅大樹菠蘿都好出名。工聯會立法會議員麥美娟（Alice，圖右）前日獲橫洲永寧村邀請，入村參與「大樹菠蘿節」，既品嘗由大樹菠蘿製成嘅特色美食同消暑飲品，又同啲大樹菠蘿合照，佢仲拎咗大樹菠蘿嘅核返屋企試吓種添！至於永寧村村長陳愛金就話，Alice係立法會跟進橫洲發展項目事宜小組委員會主席，一直有協助村民，所以今次大樹菠蘿收成，又點會唔益佢喎！
（互聯網）
