政情：「健康大使」陳凱欣熱身都扯蝦

體魄係咪強壯、有冇做運動，真係身體最誠實。九龍社團聯會嘅健康大使、食物及衞生局前政治助理陳凱欣，尋日化晒濃妝出席全城跑步活動，眼睫毛長到好似黐上去咁。到做熱身運動時，連向後踢腳都要望人先識做，只係短短約五分鐘熱身，佢就扯蝦扯成幾分鐘，聲稱係因為好熱喎。佢仲強調：「（眼睫毛）唔係黐o架，捽唔甩o架，亦都冇眼影嘅」，話做運動係專注用個心去做喎。