本港土地房屋短缺問題嚴重，到底係咪應該填海，仍然引起社會各界爭議，亦有意見憂慮填海以增加土地供應，係遠水不能救近火。合和實業主席胡應湘就講起，填海係咪需要十幾年呢，見到深圳等好多地方都唔需要咁耐，如果大家努力去做，由「吹雞」填海到房屋入伙，「應該快嘅要四十八個月，慢啲都六十個月」，香港依家畀唔畀「吹雞」都要七至八年，應研究唔好咁耐至「吹雞」，盡快「吹雞」就可以做好佢嘞！
