政情：羅致光馮興禮趕開會 中環鬧市追車

話說當日兩點左右，羅致光同Henry就喺中環置地廣場現身，兩人企喺行人路上，似乎係等緊車。但羅就不斷頭耷耷睇電話，不時望吓路面，好似好心急咁。隔咗大約五分鐘，一架車牌為「AM38」嘅政府車輛駛至，兩人即刻急步跑上車。唔知係因為當時太塞車，佢哋怕行得慢阻住後面啲車輛，定係因為真係好趕時間？

馮婚禮後即復工 太太冇詐型

Henry事後就話，當局同保險業界人士一直都有恒常嘅會面，當日佢並非同局長去「撐枱腳」，而係約咗班保險業界嘅朋友食飯。由於當日下午要趕番政總開會，所以佢哋先咁心急啫！

問Henry啱啱先結完婚，咁快就復工，會唔會畀太太詐型，佢話婚禮後已即刻返港開工，但太太嘅工作仲忙過佢，所以冇投訴咁話。