綠色先鋒：港年製37億飲品紙盒 可鋪滿逾6000個大球場
根據綠色力量統計，香港每年製造的垃圾中約有四萬三千噸重的紙包飲品盒，即多達三十七億個，可鋪滿六千多個香港大球場，數字驚人！雖然政府最快於明年底實施都市固體廢物收費，惟生產者責任制遲遲未推行，加上坊間缺乏回收渠道，垃圾恐最終仍由環境「埋單」。
促制訂生產者責任制
「大家或者遺忘咗製造出嚟嘅垃圾，背後真正應該負責任嘅，應該係生產者。所以最想提倡生產者責任制。飲品生產商，如果唔需要承擔任何責任或費用，即係變相將責任轉嫁畀市民同環境。」Tommy強調，藉是次行動推廣「自己產品自己回收」的訊息，促請政府早日就食物和飲品的包裝，制訂生產者責任制。
「我哋係『鬥乾淨』，唔係『鬥飲得多』。」Tommy笑言，樂見活動推行至今反應熱烈，部分街坊更表示自己特地儲起紙盒一段時間再回收，他亦發現回收的紙盒狀態良好，感到市民對回收紙包飲品有期望，「大家唔係覺得『冇得回收就要扔』，其實佢哋都唔想。」