政情：公民講場：基層童捱餓羅致光要諗計

香港有亞洲美食之都嘅稱號，無論早餐定凌晨食消夜，都唔怕冇嘢食。不過有調查就發現，有逾一成半年齡介乎六至十七歲嘅基層兒童，曾經歷過捱餓、甚至全日冇嘢食。同時有超過八成嘅受訪者攝取奶類及肉類嘅情況都唔合標準，主要係家長嫌貴而唔買。明明係美食之都，加上有一定嘅社會福利支援貧困家庭，但都仲有小朋友冇嘢食，聽落真係令人難以接受。睇嚟勞工及福利局局長羅致光要諗吓計，等啲小朋友唔使捱餓喇！